PAGSAPIT ng araw ng sabado ay maagang umalis si Jean ng bahay. Gaya nang ipinangakong babalik siya sa lugar ni Ryan ay tutuparin niya iyon. Dapat nga ay may meeting pa silang dalawa ni Travis ngayong araw. May kinalaman sana iyon sa disenyo ng gusto niyang ipagawa doon sa lupang pag-aari nito. Subalit tumanggi muna siyang makipagkita at sinabi niyang may mahalaga siyang aasikasuhin.
Makakapaghintay pa naman iyong kay Travis at pwedeng sa lunes na lang para office day. Baka mamaya anong isipin nina Ate Kathy at Kuya Dylan niya kung makitapagkita siya rito ng weekend. Iwas-iwas muna siya para iwas issue na rin.
Saka mas pinili niya si Ryan dahil nataon na dalawang araw na walang duty ito. Sasamantalahin niya lang ang pagkakataon na makasama ng mahaba-haba ang lalaking naging malapit na sa
