Kinabukasan ay inihatid nila Marco si Jovie sa kanyang apartment saka n’ya sunod na inihatid si Sephy sa kanilang mansion. Matapos maihatid at mai garahe ng maayos ang kotse ay agad na nang nag paalam si Marco na aalis na. Palabas na s’ya ng gate ng bigla s’yang tawagin ng ama ni Sephy.
“Magandang umaga po, Don Ramon,” magalang na bati ni Marco sa ama ni Sephy. Tumango lamang ang Don saka seryosong naka tingin sa pasa sa gilid ng labi ni Marco.
Napayuko naman si Marco para itago ang pasa sa kanyang mukha.
“Nakuha mo ba yang pasa mo na yan dahil sa pag tatanggol mo sa anak ko?” sersoyong tanong ni Don Ramon sa naka yuko pading si Marco.
Hindi naman sumagot si Marco, na patuloy padin na nakayuko. Ang totoo ay hindi n’ya alam ang kanyang isasagot. Ayaw n’yang mag sinungaling sa ama ni
