Habang nasa kasiyahan ay hindi ko.maialis ang tingin ko kay Bella. Hindi parin ako makapaniwala na malaki nga ang ipinagbago niya sa nakalipas na walong taon.
Napansin kong naglakad siya palabas kaya agad ko siyang sinundan. Kung hindi ako nagkakamali ay pupunta siya sa bukal na paborito niyang puntahan. Dahil doon ang daan na tinatahak niya.
Napahinto siya ng mapansing wala nang tubig ang bukal at tuyo na din ang mga bulaklak sa paligid nito.
"Bakit ka nandito?" tanong niya at inilabas ang kanyang espada ngunit hindi siya lumilingon sa akin. Alam kong ako ang tinutukoy niya kaya lumabas ako sa batong pinagtataguan ko.
"Ang laki ng ipinagbago mo." bulalas ko sa halip na sagutin ko ang tanong niya sa akin. Lumingon siya at walang ano mang emosyon ang bumabakas sa mukha niya dahil na rin
