KANINA pa ako tapos kumain ng sisig na niluto ni Jero pero tulala pa rin ako. Narito ako sa condo ni Maleha. Dahil sunday ngayon, it's barkada day.
Maaga akong natulog kagabi nang ihatid ako ni Arion sa apartment ko. Abot abot ang hiling ko na sana panaginip nalang ang lahat ng nangyari pero hindi. Totoong nangyari ang lahat at hindi ko alam kung paano ko pa haharapin ang mga susunod na araw.
Mula nang pumayag ako sa deal ni Lucio, parang napakarami ng kaganapan sa buhay ko. Simple at tahimik lang ang buhay ko e. Nagtatrabaho ako, minsan sa isang buwan, umuuwi ako sa probinsya para dalawin ang pamilya ko, tuwing weekends kasama ko ang mga barkada ko at sa araw araw, madalas na nasa apartment lang ako pagkakagaling sa trabaho.
Pero ngayon? Ewan ko na.
"Ayos ka lang ba, Cath?" Tanong ni
