Chapter 40
"Groco, Tipang! Mabuti at nandiyan na kayo. Papunta na kasi ako sa kasiyahan ng mapadaan dito at marinig na may sumisigaw. Nagulat ako na wala ni isang kawal man lang na narito upang magbantay kaya hindi ko alam ang aking gagawin. Sumisigaw itong mga nasa loob na tulungan daw ang kanyang asawa dahil meron daw itong ipapanganak na itlog. Hindi ko naman magawang kausapin dahil natatakot akong maparusahan ng hari" Nag-aalalang sabi ni Saha sa dalawa. Nagkatinginan naman sila Groco at Tipang.
Lumapit si Tipang sa butas saka sumilip sa loob. Sumusuka ang asawang babae habang hinahagod sa likod ni Serpio. Nakita naman siya nito kaya agad lumapit.
"Mabuti at nandiyan po kayo. Para na po ninyong awa. Malapit na magsilang ng itlog ang aking asawa. Baka hindi po niya kayanin kung narit
