Nagising ako sa sobrang sakit ng ulo ko. Minulat ko ang mga mata ko at ilaw ng ceiling ang una kong nakita. Ilang beses ko muna dinilat at pinikit ang mga mata ko bago ko inilibot ang paningin ko. Wala akong ibang nakita sa loob kundi isang doktor at si Bryan na nakahiga rin sa katabi kong higaan.
Agad akong nag taka kung bakit ako nakahiga at ganoon din si Bryan sa tabi ko. Napahawak ako sa ulo ko at pinilit kong alalahanin kung ano ang nangyari.
“Gising ka na pala,” narinig ko na sabi ni Doc. na siyang malapit sa kinaroroonan ni Bryan.
Agad kong sinubukang umupo pero nahirapan ako at napakapit sa unan sa tabi ko dahil ang sakit talaga ng ulo ko.
“S-si Jacob po? Asan si Jacob?” takot na takot akong tanungin iyon pero tinuloy ko pa rin.
Agad kong kinuha at tinggal ang kumot ko at
