MASASABI mo na talagang in-love ang isang babae kapag hindi mawaglit kahit saglit ang mukha ng lalaking mahal niya sa kanyang isip. Sumisikip ang dibdib at nakikipaghabulang rigodon ng puso. Para iyong isang syndrome na mahirap lunasan ng kahit anumang uri ng gamot.
Kung isa itong uri ng sakit, ito ang karamdamang ipagpapasalamat ko sa Maykapal. Pag-iibayuhin ko ang lahat upang magkaroon ito ng katugon.
“Magpapahinga lang ako, pero hinding hindi ako napapagod, Dylux. Hinding hindi kailanman.”
Ang mga salitang iyon ay hindi pinilit na lumabas sa bibig ko. Natural at galing sa puso. Tunay na hindi ako mapapagod kay Dylux. Mapapagod ka ba kung ito mismo ang kalakasan mo?
Itinaya ko na lahat sa laban. Batid ko namang masiyado kong isinusubo ang sarili ko sa peligro pero mahal ko siya. T
