“ARE you planning to turn this house into ashes?”
Panay ang ubo ko sanhi ng usok na bumalot sa buong kabahayan. Mabuti na lamang ay naagapan ni Dylux ang pagpatay gamit ang isang baldeng tubig, kung hindi ay tutupukin na ng apoy ang bahay. Natutong naman ang kalderong ginamit ko sa pagsaing.
“P-Pasensya ka na. Nakalimutan ko na may sinaing nga pala ako.” Nakagat ko ang ibabang labi.
Nilinga ako ni Dylux at nakita ko ang paratang sa mata niya at pagkamangha. Sunod ay ang mga buhangin sa kanyang katawan. Dito ko na rin napagbalingan ang katawan ko'ng nananatiling hubad pa rin. Kung kanina ay puno ako ng kompiyansa ngayon naman ay tila nabahag ang buntot ko at nakaramdam ng pagkahiya.
Ano bang pumasok sa isip ko at nagawa kong maghubad na lang sa dalampasigan kahit na alam ko namang wa
