“NAKUHA na ba lahat ng gamot sa stock room?” Hawak ko ang isang kahon at nilingon si Piyang. Nakasunod ito na may bitbit ring gamit.
“May mga naiwan pa," anito.
Sabay naming nilagay iyon sa likuran ng inupahan naming van. Hindi ko pa sure kung saan itatambak ang mga ito pero pansamantala ay nag-alok si Francis na sa warehouse muna nila iiwan ang mga gamit ng clinic kaya matapos ang paghakot pa sa ilang mga natitira. Ihahatid naman namin ang mga ito sa warehouse.
“Ilan pa ang mga naiwan?” anas ko.
“Iyong sa pinakataas ng kabinet. Masiyadong mataas kaya hindi ko makuha. Kailangan pa'ng umakyat sa foldable na hagdan bago maabot. Ang kaso pati iyon ay mabigat," aniya. “Ihuli na lang natin ang mga 'yon? Balikan na lang namin bukas ni Erin?”
“Hindi na. Isabay na natin ngayon para isahan
