“OH, ito na ang ticket mo." Ibinato ni Piyang ang ticket sa kamang inuupuan ko. Kasalukuyan aking nagsusuklay nang pumasok ito. Katatapos ko lang maligo at naghahanda ng matulog. “Salamat."
Naramdaman ko ang paglapit niya sa akin. Tinabihan niya ako sa kama. “Ewan ko ba, kagagawan ko naman ang lahat ng 'to pero nalulungkot akong isipin na aalis ka na.” Malalim na hugot nitong sabi.
Napalatak ako. “Huwag mo akong masiyadong pakitaan ng nalulungkot mong mukha, Piyang. Baka magbago ang isip ko at hindi na tumuloy."
Napalabi ito. “Ano ka ba naman, imbis na aluin mo ako, kinakantiyawan mo pa ako. Masama bang ma-miss ang matalik na kaibigan ko?”
Ibinaba ko ang suklay sa harapan ng vanity at saka hinarap ang aking kaibigan. “May apat na araw pa ako simula bukas. Pwede pa nating gugulin an
