“DOK, pinabibigay nga pala ng pamilya ni Tonton. Bagong aning honey.”
Bumilog ang mata ko nang ilapag ni Erin ang paborito kong honey. Sabik ko iyong kinuha at tinikman. “Hmm! Ang sarap talaga! Sabihin mo kay Tonton maraming salamat at naalala pa nila akong bigyan kahit ang tagal ko nang hindi nakakadalaw sa kanila.” Tuloy tuloy ang subo ko ng pulot.
“Sige po, dok. Sasabihin ko sa kanila.”
“Nasaan nga pala si Piyang? Ipatitikim ko sa kanya ang masarap na honey na ito. I bet she will like this also. Ang sarap talaga," saad ko.
“Si Ate Piyang po, may tinitingnan lang sa laptop niya. Sabi niya may hinihintay daw siyang email. Hindi niya lang nabanggit kung para saan.”
“Talaga? Ano naman kaya iyon?” nagtataka man pero binalewala ko na lang dahil abala ako sa pagkain. Inalok ko si Erin
