“SAAN ka nanggaling?”
Ayan agad ang bungad sa akin ni Piyang pagpasok ko sa pinto. Ang haba ng biyahe kaya sobra ang hilo ko. Nakasimangot ito nang tingnan ko.
Madilim ang living area at halata ko talagang kanina pa ito naghihintay sa pag-uwi ko.
“Gising ka pa?” Matipid akong ngumiti sa kanya.
Hindi ko magawang salubungin ang mata niya. Huling huli kasi na parang may nagawa akong mali sa kanya. Mahaba-habang paliwanagan na naman ito.
“Kanina pa.” Humalukipkip ito sa akin.
“Si Twinkle? Tulog na ba?”
“Nakatulog na sa tagal nang paghihintay sa'yo. Pwede ba, huwag mo na akong daanin sa ganyang delaying tactics mo. Sagutin mo ako. Saan ka nanggaling? Tinawagan ko si Flinn ang sabi niya ay wala ka raw sa seminar.”
Huminga muna ako nang malalim bago ko siya hinarap. No more lies. Ay
