“MAGANDA na ba ako? Kamusta na itong shot ko? Bagay ba sakin?”
Black dress na hanggang tuhod ang napili ko'ng suotin. Flat shoes naman ang panapin sa paa.
Rumampa ako sa harapan ni Piyang at saka nag-pose na tulad sa mga babaeng sikat sa magazine. Ginandahan ko ang awra para maganda rin ang marinig kong hatol mula sa kanya. Knowing her, mas mitikuluso ito pagdating sa fashion dahil iyon ang pangarap nitong kurso noon.
Ibinaba ni Piyang ang librong binabasa at saka ako pinasadahan ng nanunuring hukom. “Hmm. . . pwede na. Saan ba lakad mo? Lingong linggo dapat ay nagpapahinga ka.”
“May date ako.” Pinaghalong kilig at excitement na sabi ko sa kanya.
“Kay Montevista?”
“Kanino pa ba?”
“Sama ako, ang boring dito sa bahay.” Presinta niya.
“No, no, no. No friends allowed. Date nga di ba
