Makalipas ang tatlong buwan.
"Noel, kumusta? May balita na ba kay Ashanti?" tanong ni Aiden, malamig ang tinig at mahigpit ang kapit sa armrest ng kanyang upuan.
Umiling ang kanyang kanang-kamay. "Wala pa po, boss."
Mariing napabuntong-hininga si Aiden, ang panga’y bahagyang nangalirang. Hindi siya mapakali, kailangan niyang mahanap si Ashanti. Hindi lang ito basta paghahanap.
Ikaw ang nasa likod nito, Ashanti. Ikaw ang dahilan kung bakit muntik nang mawala si Lyka sa akin.
Mula sa drawer ay marahan niyang inilabas ang isang maliit na kahon. Binuksan niya ito at tumambad ang kumikislap na singsing. Binili niya iyon kahapon.
Lyka... handa na akong buuin ang buhay natin. Pero hindi kita kayang pakasalan hangga’t hindi ko nasisiguro na ligtas ka. Hangga’t hindi ko nahaharap ang taong n
