Chapter 35
Maraming araw ang lumipas ngunit hanggang ngayon ay hindi pa rin umuuwi ang kapatid ko. Matinding pag-aalala ang naghahari sa puso ko. Sa tuwing umuuwi ako galing sa trabaho ay siya kaagad ang hinahanap ng mga mata ko. Ang presensya niya kaagad ang hinahanap ko. Ngunit ilang araw na ang nakalipas ay hindi pa rin siya umuuwi.
Si Mama ay walang sinasabi na kahit ano sa ‘kin. Wala rin akong aasahan na impormasyon mula kay Tiyo Isidro dahil palagi itong lango sa alak. Kung hindi uuwi na lasing dito, uuwi naman na mainit ang ulo. Minsan nga ay ibinabato niya ang mga gamit sa bahay kapag natipuhan niya.
Sa mga araw na nag-aalala ako kay Irish ay patuloy pa rin naman ang pagbisita ko sa mga bata. Hindi ako pumapalya sa pagpunta sa karinderya dahil ang mga bata na lang ang nakakapagp
