Napansin agad ni Rayden ang mga ngiti sa labi ni Eunice nang makita nito ang pagpasok niya sa silid. Nakahiga na ito at nakasandal sa head board. Balot na ito ng kumot na hanggang dibdib.
Isinara niya ang pinto at dumiretso sa pagkakahiga sa kama. Tulog na si Janna ng pumasok sya sa kanilang silid upang maligo at magpalit ng pantulog. Hindi na niya ito ginising upang magpaalam. Nabanggit naman niya rito na, sa silid ni Eunice siya matutulog ngayong gabi.
Mabigat ang kanyang naging desisyon. Ang nais lang niya noon ay mahanap si Eunice. Ngayon na narito na ito ay bakit hindi sya makaramdam ng saya?
"Matulog ka na. You need a lot of rest," pagkasabi ay agad siyang tumalikod ng higa.
"Hindi mo man lang ba ako tatanungin kung ano ang nangyari habang hawak ako ng mga kumuha sa akin?" hal
