ILANG beses ng tinanong ni Melanie sa sarili kung nakaramdam ba siya ng ganitong klase sa mga taong nakasama niya ang alinman kay Anthony o Vince. Wala siyang makuhang sagot. Pero nahuhulaan niya kung bakit. Siguro ay dahil si Augustus lang ang magdadala sa kanya ng ganoong klase ng saya.
Mahigit isang linggo na ang nakalipas simula nang pumayag siya sa kagustuhan ni Augustus na pagbigyan ito na ligawan siya. Hindi man sila araw-araw na magkasama kaggaya na lang ng nararapat para sa isang masugid na manliligaw, sinisiguro naman nitong hindi niya nalilimutan ang ginagawa nito sa kanya. May trabaho si Augustus sa Maynila at gustuhin man nito na makasama siya araw-araw ay magiging mahirap iyon. May trabaho rin siya sa Batangas at hindi niya rin basta-basta puwedeng pabayaan na lan
