AHU CAMPUS
Kumatok si Jacob sa Principal's Office. "'Ma, nariyan na naman ang Mama ni Vincent. Pinipilit na hindi pa umuuwi at dito sa school huling nakita ang anak niya."
"Ang kulit. Bakit niya dito hahanapin ang wala? Wala bang social life ang anak niyang 'yon na pwedeng pagkaabalahan?" Tumayo at lumakad ng mabilis si Mrs. Alcantara patungo sa lobby. Naroon ang mataray na mama ni Vincent, naka-halukipkip at naniningkit ang mata sa kanya.
"Mrs. Sylvester. Ilang ulit na ho naming sinabi na hindi namin alam kung nasaan ang anak n'yo. Wala ho siya sa school." Mahinahong sabi ng Principal.
"Nakatitiyak akong may kinalaman ang mga tao dito o ang mga estudyante ninyo kaya nawawala ang anak ko." Mariing sabi ni Luisa.
Sumabat na si Jacob. "Ma'am, wala ho kayong ebidensya sa sinasabi ninyo.
