"Fin, hindi tayo nakapag-training nung weekend dahil sa nangyari, kaya gawin natin ito ngayon. Halika." Aya ng Tita Nitz niya sa kanya. "Tawagin din natin si Franz para makasabay siya sa training."
Pinuntahan nila si Franz sa room nito. Nakasubsob ito sa kama.
"Hoy, tumayo ka d'yan. May pupuntahan tayo." Batok ni Fin sa pinsan.
"Aray ko, Ate Fin. Ayoko. Kayo na lang."
"Hindi pwede." Hinawakan ito sa likod ni Fin saka humawak sa Tita Nitz niya.
Nag-teleport sila sa isang napakagandang lugar na ngayon lang niya nakita. Lahat ay puti. Ang lupa, ang mga puno, ang upuan, pati ang palasyo sa 'di kalayuan ay puti. May mga tila alitaptap na lumilipad. Nakasubsob pa rin si Franz sa bench sa tabi nila, nakakumot pa ito.
"Nasaan tayo, Tita?"
"Nasa Whitelight Kingdom tayo."
Nag-angat ng ulo s
