Nagtataka man sa biglaang pagdating ni Annie ay agad na napabusangot si Honey matapos makitang kusang sumama rito si Zane. Hindi naman dahil sa nagseselos siya rito bagkus ay dahil wala siyang tiwala kay Annie. Kung kanina ay naaawa pa siya kay Zane ay ngayon naman ay nag-aalala na siya rito.
Sinundan na lamang niya ng tingin ang dalawa hanggang sa tuluyan nang nawala ang mga ito sa kaniyang paningin.Habang si Rogue naman ay malalim na napabuntong hininga saka muling bumalik sa pagkakaupo.
Napahawak na lamang si Honey sa kaniyang noo.
Sa kabilang banda naman ay naguguluhang nagpahatak si Zane kay Annie. Sa totoo lang ay wala rin siyang alam kung ano ba ang ginagawa niya roon at nagulat na lamang siya nang makitang nasa tagong parte sila ng isang hallway nang tuluyan na siyang bitawan n
