Kinabukasan ay laglag balikat si Honey na napabangon sa kama. Nagulat pa ito nang makita ang oras.
“Shi-, mukhang male-late pa tayo ah!” inis na sambit nito saka mabilis na tumakbo palapit sa banyo. Hindi naman na ito nagpalingoy-lingoy pa at mabilis nang naligo. Kung hindi sana ito napuyat kagabi ay hindi rin sana siya magmamadali ng ganito ngayon.
Napailing na lamang si Honey. Hindi niya maiwasang sisihin si Kael sa kadramahan nito kagabi, gayupaman ay masaya siyang nakasama niya ito at napakinggan ang hinanakit nito.
Sa sobrang pagmamadali ay hindi na niya napansing nakangisi sa kaniya ng nakakaloko si Ate Kylie habang pinagmamasadan siyang nakangiti. Hindi na siya nag-abala pang intindihin ang paligid niya at nagpatuloy na lamang hanggang sa matapos siyang kumain hanggang sa makaali
