Naiwang mag-isa si Kael habang nananatiling nakatayo habang si Indigo naman ay patuloy lang sa paglalakad hanggang sa makarating ito sa madilim na parte ng hallway. Sa mga oras na iyon ay umpisa na ng klase kaya naman kakaunti na lamang ang mga estudyante sa labas.
Napasandal ito sa pader at malalim na nag-isip. Sa totoo lang ay wala talaga siya sa mood sa pakikipag-usap ng mga oras na iyon. Bukod pa roon ay hindi niya pa rin makalimutan ang mga narinig niya kahapon sa loob ng opisina ni Miss Hana habang kasama ang kaibigan.
FLASHBACK:
Nanatiling nakatayo sa labas ng pinto ang binatang si Indigo at kanina pa kating-kati na pumasok sa opisina ni Hana-sensei. Gustuhin niya mang tumuloy rito ay natatakot pa rin siya kung sakaling makita si Professor Dex sa loob. Sa tuwing nakikita niya k
