Honey’s POV
Napatitig ako kay Kael habang nakaupo ito sa tabi ko. Nanatili lamang itong nakatanaw sa labas ng bintana habang patuloy ang andar ng van na sinaskyan naming. Minabuti kasi naming samahan ni Zane ang isang ito para dalawin ang puntod ng ama niya.
Sa totoo lang ay hindi ko pa rin ito nakakausap ng matino matapos nitong bumalik tatlong araw pagkatapos mamatay ng kaniyang ama. Maski si Zane ay kating-kati na rin na tanungin si Kael ngunit nagtitimpi lamang kami dahil alam naming hindi pa rin handa si Kael na ikwento ang lahat.
Napangiti na lamang ako saka muling ibinalik ang tingin sa labas ng bintana.
3 Days Ago…
Nakayuko akong naglalakad sa isang eskinita habang ipinapadyak padyak ang mga paa sa kalsada. Hindi na ako nag-abala pang tingnan ang mga tao na nakakasalubong ko
