ROGUE’S POV
Napayuko na lamang ako habang hinihintay ang paglabas ng nurse mula sa loob ng kwarto ni Jazz. Sabi ng mga nurse at doctor nito ay ilang araw na lang ay pwede na ring makalabas ng hospital si Jazz. Halos mag-iisang buwan na rin siya ritong nakahiga sa kama habang kung ano anong gamot at operasyon ang ginagawa para tuluyan siyang gumaling.
Hindi naman sana siya na rito kung hindi dahil sa lalaking iyon. Hindi ko alam kung ano ang pumasok sa isip ng taong iyon. Napakuyom ako ng kamao nang maalalang muli ang pagmumukha ng taong iyon. Nag-igting agad ang mga panga ko habang pinipigilan ang sarili. Sa katunayan ay nakausap ko na si Indigo nitong mga nakaraang araw ngunit may kakaiba sa kaniya.
Hindi ko pa alam kung ako lang ba iyon ngunit mukhang maski sina Kael ay naninibago r
