KAPAG nasisinagan ng liwanag ang singsing na nasa palasingsingan ni Janicah ay kumikinang ang mga diyamante niyon. Singsing na nagmula pa mismo kay Donya Esmeralda, ngayon ay siya na ang nagmamay-ari niyon. Darating ang panahon na iba naman ang magmamay-ari niyon. Kaya habang nasa kaniya iyon, lubos niya iyong iingatan.
Sumilay ang matamis na ngiti sa kaniyang labi nang lumabas siya sa banyo na nasa loob din ng mismong silid nila ni Ezekiel sa beach house na kinaroroonan nila.
Huli man, pero ang sarap pa rin sa pakiramdam na maranasang ma-engage sa taong mahal mo at hingin ang mismong kamay niya sa harap ng kaniyang mga magulang.
Mula sa singsing ay lumipat ang tingin ni Janicah sa kaniyang asawa na si Ezekiel. Saktong labas niya sa may banyo ay siya namang punta ni Ezekiel sa may terra
