NAPATINGIN ang lahat sa mama ni Ezekiel, nang kunin nito ang atensiyon ng lahat sa pamamagitan ng bahagyang pagkalansing ng kutsara sa isang champagne glass na hawak nito. Tumayo rin ito.
May ngiti sa labi na abot sa mga mata ni Mama Belle nang ilibot nito ang tingin sa buong paligid.
“Napakaganda ng gabing ito para sa ating lahat. Bukod sa nagkasama-sama tayo rito, we also have this chance na mas makilala ang bawat isa. And I am so thankful for that. Ramdam ko ‘yong lalong paglaki ng pamilya namin. Lita and Julio, I wanted you to know how happy I am na mas makilala pa kayo. Also your kids and mga apo,” isang matamis na ngiti ang muling sumilay sa mga labi ni Belle Ortega. “Sayang naman ang magandang gabing ito kung hindi pa natin susulitin. Right?” Huminga ito nang malalim. Pagkuwan ay
