HINDI inaalis ni Janicah ang tingin kay Ezekiel. Mamaya lang ay aalis na ito kasama ang anak nilang si AJ at si Papa Michael papunta sa Casa de Playa. Uuwi rin naman sa hacienda si Papa Michael. Hindi katulad nina Ezekiel na doon na mananatili hanggang sa araw ng kanilang kasal.
“Ang mukha,” ani Ezekiel nang lapitan si Janicah. Pinisil pa nito ang kaniyang baba.
Napasimangot siyang lalo. “Hubby, baka naman puwedeng dito ka na lang?” aniya na yumakap pa sa may baywang ni Ezekiel habang ito ay nakatayo sa kaniyang harapan. Siya naman ay nakaupo sa isang silya sa silid nila kanina pa, habang pinanonood ito sa paghahanda ng mga gamit nito para sa pag-alis.
“Wife, tatawagan kita ng mas madalas. Ilang days lang naman.”
“Ang lungkot ng pakiramdam ko, hubby,” aniya na ipinikit ang mga mata hab
