“BOSS, nahuli na si Karen,” pagbabalita ni Bert. Ang private investigator ni Ezekiel.
“How?” ani Ezekiel na napabangon mula sa pagkakahiga sa kama habang ang telepono ay mahigpit niyang hawak. Sinulyapan pa niya si AJ na mahimbing ng natutulog. Mabuti at hindi ito nagising sa tunog ng telepono.
“Nakipagtulungan ang mga magulang ni Karen para mapauwi siya sa Pilipinas. Gumawa sila ng kuwento na kesyo masama ang lagay ng ama ni Karen nang hindi niya matiis na hindi tawagan ang kaniyang mga magulang para kumustahin.”
Nakahinga siya nang maluwag sa bagay na iyon. Magandang balita iyon para sa pamilya niya. Higit sa lahat ay para kay Janicah.
“Nasaan na siya ngayon?”
“Nasa airport pa at this very moment. Humihiling siya na mapuntahan muna ang mga magulang niya. Dahil sa paniniwala niya na
