“MOMMY!”
Mabilis tumakbo si Hari palapit kay Sam at mahigpit na nagyakap ang dalawa. Hindi mapali ang ngiti ni Hiraya habang pinapanood ang reunion ng kanyang mag-ina. Mula sa opisina ay dumiretso sila sa school nito para sunduin ang anak. Gaya niya ay labis itong nagulat.
“Mommy, kailan ka pa nakauwi?!” excited na tanong ni Hari.
“Kanina lang, sinorpresa ko rin ang Daddy mo.”
“Namiss kita, Mommy!” paglalambing nito sa ina at yumakap ulit ng mahigpit.
Nang pupugin ni Sam ng halik si Hari ay pumalag ito at pilit na lumayo. Lalong gumwapo ang anak. Habang patuloy itong nagbibinata ay mas lalong nakakamukha ni Hiraya. Bukod doon ay mas lumaki din ang katawan nito.
“Mommy naman eh, nakakahiya sa mga classmates ko! Binata na ako eh!” reklamo nito.
Hindi makapaniwala si Sam na napali
