Sina Crisiente’s Pov (Diamond Kingdom’s First Princess)
“Sigurado ba kayong ito ang itinuturong lugar ng mapang iyan?” tanong ko kina Soren na nakatingin ngayon sa isang papel kung saan nakaguhit ang isang mapa.
Nang makarating kasi kami sa karwahe na siyang sasakyan sana namin pabali sa Diamond Kingdom ay naabutan namin doon ang isang mensahero na galing sa Ruwan Rai Guild.
May dala itong isang special quest na para sa party namin na agad naman naming tinanggap dahil isang quest naman ang talagang sasadyain namin sa pagbabalik sa aming kaharian.
At ang quest na ito ay isang pag-iimbestiga sa isang gubat na siyang pinamamahayan ng mga poi rabbit. Isang uri ng kuneho na mabagal kumilos ngunit may kakayahang maglabas ng kakaibang usok na nakamamatay sa sinumang makakalanghap
