Irieth
Tuluyan ng bumagsak ang aking mga luha nang marinig ko ang sigaw niya. Nagmistulan ‘yong kidlat sa aking pandinig, dahilan ng aking pagkatulala. Hindi ako nakakurap dahil sa gulat matapos niyang sabihin iyon sa akin.
"Hindi ko alam, dahil wala akong ginawa sa ‘yong masama para iwan mo ‘ko. Iniwan mo ako at sumama ka sa iba nang hindi mo inalam ang totoo. Alam mo ba ang nangyari no’ng gabing 'yon?” mariin niyang tanong, “Hindi mo inalam, Irieth. Hindi mo inalam dahil walang pinaka importante sa ‘yo kundi ‘yang nararamdaman mo. Ngayon, sabihin mo nga sa akin. Anong karapatan mong manghingi ng permiso para kausapin kita ng maayos?”
Hindi ako nakasagot. Wala akong maisagot dahil wala akong ibang maramdaman mula sa kanya kundi ang galit.
Galit na galit siya—dahilan ng pagsakit ng ak
