Akala ko ay hindi na kami aabot sa bahay ni attorney Revamonte. Ito kasing lalaking ipinadala niya para sunduin kaming mag-ina ay parang hinahabol ng tatlong demonyo kung magpaandar ng sasakyan. Abot langit ang nerbiyos ko habang si Charlotte naman ay abala na kumakain ng baon niyang kanin at okoy.
Ito talagang anak ko, masyadong ni-bespren ang kanin.
"We're here," nakangising sambit ni Kuya.
Infairness dito kay Kuya, gentleman. Pinagbuksan pa ako ng pinto.
"Salamat."
Namangha ako sa laki ng bakuran, malalago ang mga halaman at halatang kasisimula lang mamukadkad ng mga bulaklak.
"Nanay, Nanay nahihirapan po ako huminga." Napalingon ako sa aking anak na hawak ang kanyang dibdib. Humihingal ito ng mabilis at nakabuka pa ang bibig.
"Hala! bakit? Anong nangyari? May masakit ba s
