Nakakasilaw na kalangitan na may perpektong pinaghalong puti at asul ang sumalubong sa aking paningin. Ang gaan-gaan ng aking pakiramdam. Bahagyang umugoy ang bagay na hinihigaan ko, nasa puting duyan pala ako.
May naulinigan akong mga pag-iyak, ngunit nawala rin agad ito. Saan kaya nanggagaling iyon? Hindi ko na lang inintindi dahil nawala rin naman agad.
Kinapa-kapa ko ang aking katawan, wala ang aking bag.
Napakunot noo ako nang mapansin ang aking suot, puti ito at napakaganda. Ito iyong damit na suot ko noong kinasal ako.
Tumayo ako at naghanap uli pero hindi ko talaga nakita. Nahold-up ba ako?
Inilibot ko ang aking paningin. Makulay na mga bulaklak at luntiang d**o ang nasa kapaligiran. Samahan pa ng matatayog na mga puno na sagana sa bunga. Ang sarap sarap nilang tingnan. Pa
