Kung mayroon mang higit na kailangan ko ngayon iyon ay ang pamilya. Pamilya na dadamay at handang makinig sa saloobin ko. Pamilya na hindi magampanan ng sarili kong asawa.
Si Nanay ang una kong naisip, pero nasisiguro kong mag-aalala lang siya sa akin. Baka makasama pa sa kalusugan niya kapag nalaman niya ang problema ko ngayon. Kaya si Kenneth ang naisipan kong tawagan. Pamilya ko siya, kasi kapatid ko naman siya. Hindi naman ako galit. Sila naman kasi iyong totoong pamilya at legal.
Wala pang trenta minuto ay sinundo na ako ng kapatid ko kagabi. Sa condo unit niya ako tumuloy. Hindi ko kasi kayang makasama si Nigel sa iisang bahay. Natatakot ako na baka bigla na lang niya akong saktan. Naiintindihan ko naman siya, kapatid niya iyon, natural lang na magalit siya.
"Kenneth, sasabihin
