TWENTY-ONE
Nagising akong mabigat ang pakiramdam. Ilang araw na akong ganito. Pinipilit ko na nga lang pumasok kahit minsan ay parang sumusuko ako sa sobrang hilo at antok. Kinuha ko ang phone ko para tingnan kung may tawag galing kay Martin. Agad ko siya tinawagan pabalik nang makitang marami na pala siyang missed call kanina.
“Hi, honey, good morning.” Napangiti ako sa tunog ng bati niya sa kabilang linya. Halatang masayang-masaya siyang makausap ulit ako. Minsan kasi nakakalimutan ko siyang tawagan lalo na kapag kasama ko si Lance.
“Good morning din, hon. I miss you. Nag-breakfast ka na ba?” saad ko at inilagay sa speaker ang phone para kahit narito ako sa banyo ay nakakausap ko siya.
“I miss you too. Nasaan ka?” tanong niya habang inaayos ko ang tubig sa bath tub. Gusto ko muna
