CHAPTER 19
“Bakit tol, may problema ba tayo?” pasupalpal kong tanong. Mas astig at suplado mas hahabulin ako.
“Wala naman.” Itunungga niya ang hawak niyang baso ng alak. Ibinaba niya ang baso na hindi niya tinatanggal ang tingin niya sa akin. Iyon ang unang pagkakataon na nakita ko siya ng malapitan. May hitsura si Dante kumpara sa mga nauna kong iniligpit. Medyo hawig siya kay Joko Diaz at ganoon rin ang kulay at tangkad niya. Naka-jacket siya ng maong na binagayan niya ng puting t-shirt na panloob. Hapit ang kanyang black jeans at hanep, naka-boots pa.
“Drake pala tol. Baka naman pwedeng makilala ka?” inilahad niya ang kanyang kamay.
“Hindi ako nakikipagkilala sa hindi nagsasabi ng totoong pangalan.”
“Paano mo naman alam na hindi iyon ang tunay kong pangalan?”
“I should know. Ganya
