CHAPTER 24
Malalakas na tunog ng baril ang tumapos sa lahat.
Malas lang niya. Hindi ko kailangan pang lumingon. Alam na alam ko kung paano ko siya uunahan gamit lang ang salamin ng tokador sa harapan ko. Sa mismong kili-kili ko itinago ang hawak kong baril saka ko siya inasinta. Sa dibdib ko siya unang tinamaan. Paglingon ko sa kanya ay saka ko siya binaril din sa kanyang ulo. Hindi ko siya binigyan ng pagkakataong makalabit niya ang gatilyo ng kanyang baril. Dalawang bala lang ang katapat niya.
Hindi nakakilos ang buntis. Nakita ko sa kanyang mukha ang gulat at takot.
“Okey ka lang?”
Hindi siya makasagot ngunit sapat na ang kanyang pagtango.
Mabilis muna akong lumabas at siniguradon
