NANG sumapit ang gabi ay kailangan nilang bumaba upang kumain. Gusto sana ni Isabel na umuwi na sila pero wala pa rin si Philip hindi pa rin ito matawagan. Nakahiram siya ng charger kanina kaya nakapag-charge siya at tinawagan niya si Belenda at sinabi ang nangyari. Pinayuhan siya ng kaibigan na mas mabuti daw nandito muna siya sa mansion ng pamilya niya para na rin sa kaligtasan nila. Walang nakikitang mali si Isabel kahit pa imbitahan siya ng pulis para sa mga karagdagang impormasyon sa in-laws niya. Pero nag-aalala siya kay Windy baka mabanggit ni Jenny na hindi niya totoong pamangkin si Windy. Wala na siyang magiging rason para itago ang totoo kay Winston.
“Isabel, dito kana. Ako na ang magpapakain kay Windy.” Saad ni Lanie sa kanya. Sumunod na lamang siya at pinaupo niya si Windy ka
