Alex:
Pinahid niya ang kanyang luha. Ngunit patuloy pa rin ang pag-agos nito. Ano na kaya ang mangyayari sa kanya? Iyon lamang ang paulit-ulit na umuukilkil sa isipan niya hanggang sa hindi na niya namalayan na nakatulog na siya. Ni hindi na rin niya nagawa pa na magpalit ng damit.
Kinabukasan ay nagising siya sa sinag ng araw na nanggagaling sa bintana. Hindi niya agad na-realize na nasa bagong kwarto na nga pala siya. Agad siyang bumangon nang makitang suot pa rin pala niya ang damit pangkasal niya. Dali-dali niyang hinubad ang damit pangkasal. Nangalukot na ito dahil hindi niya nahubad kagabi. Matapos na mahubad ang damit pangkasal at pati na rin ang lahat ng saplot niya sa katawan ay nagtungo na siya sa banyo upang maligo. Kinapa niya ang switch ng ilaw malapit sa pintuan at pinindo
