Paglabas ni Rodrigo ay nagmamadali si Aling Miling na tawagan na si Alex. Kinuha nito ang cellphone sa bulsa ng apron at tinawagan ang mobile number ni Alex. Habang kinokontak ni Aling Miling si Alex ay nagsisikuhan naman si Rina at Sarah. Maging ang mga ito kasi ay naiintriga sa ngayon ay mag-asawa na si Alex at Rodrigo simula nang umalis si Rodrigo sa unang gabi nila bilang mag-asawa ni Alex. Nang hindi sinasagot ni Alex ang tawag ni Aling Miling ay naiiling na bumalik na lamang muli ito sa kusina. Sayang at hindi nito alam kung paano mag-text para mabasa na lamang sana ni Alex ang mensahe niya para rito. Napatingin siya sa dalawang kasama nang tila nagbubulungan ang mga ito. Napagpasiyahan na lamang niya na tawagan na lamang muli si Alexandria. Sana ay makita nito ang missed call niya a
