Rodrigo :
Ipinasya niyang matulog pa rin sa kanilang silid ni Alexandria. Kailangan pa rin niya itong protektahan dahil anak pa rin ito ng taong itinuring na niyang isang tunay na ama. Nangingibabaw pa rin sa puso niya ang pagtanaw ng utang na loob kay Don Amado.
Dinatnan niya sa loob ng silid si Alexandria na kasalukuyan na nanonood ng telebisyon. Nginitian siya nito ngunit malamig na tingin lamang ang iginanti niya.
Nagyuko na ito ng ulo pagkatapos. Naligo muna siya. Hindi niya binago ang kanyang dating ginagawa kapag naliligo. Lumabas pa rin siya ng banyo na tanging tapis ng twalya ang nakabalot sa kalahati ng katawan niya. Hindi niya tinangka na magawi ang paningin niya sa mukha ni Alex. Nagbihis siya sa harap nito at pagkatapos ay nahiga na sa isang gilid ng kama. Madali naman niy
