Nakatulog na si Alex. Halos mamugto ang mga mata nito bago tumigil sa kakaiyak. Ipinasya na muna niyang bumalik sa dati niyang silid. Kailangan na talaga niyang makausap si Don Amado. Tinipa niya ang numero nito at kasalukuyan na nga itong nagri-ring.
"Rodrigo, napatawag ka? Gabi na ah," wika nito sa kabilang linya.
"Kailan kayo uuwi, Papa?" sa halip ay tanong niya rito.
"Hindi ko pa alam, Iho. Masyado pa akong maraming inaasikaso ngayon dito. May problema ba?"
"Opo, Papa. Kaya kung maaari sana ay maiging makauwi ka na muna rito. Kailangan ka namin makausap ni Alexandria sa lalong madaling panahon."
Patlang ay namagitan ang katahimikan. May katagalan ang hindi agad na pagsagot ni Don Amado.
"Papa, nariyan ka pa ba?"
"Ahhh? O-oo, narito pa ako, Rodrigo. M-maaari ko bang malaman kung
