Binantayan ni Clinton si Flora sa ospital hanggang sa magising ito. Marahang iminulat ni Flora ang kaniyang mga mata at inilibot ito sa paligid hanggang sa mapagtanto niyang nasa ospital pala siya. Kumurap-kurap muna siya ng maraming beses bago naisipang bumangon.
"Huwag ka munang bumangon. Magpahinga ka muna," wika ni Clinton nang akma siyang babangon.
Tila nagdiwang ang kaniyang kalooban nang makita sa kaniyang tabi si Clinton. Sa isip niya, mabuti na lang mayroong pakialam sa kaniya kahit papaano ang kaniyang kapitbahay at nagawa siyang dalhin sa ospital.
Nginitian niya ang binata. "Salamat, manong sa pagdala mo sa akin dito. Pasensya ka na dahil naabala pa kita. Ganito talaga ako kapag nagkakasakit. Bihirang-bihira lang pero kapag nagkasakit ako, nahihimatay ako sa sobrang taas ng
