“PINAGBIBINTANGAN NINYO AKO? Sa tingin mo, Arquil, kaya kong gawin iyon sa apo ko? Iniisip mo ba na kaya kong pumatay ng tao!?” tanong ni Cheska.
Nagsimula ng mangilid ang mga mata ni Cheska. Nakikita ko na nasasaktan siya sa sinabi ni Tito. Mahirap man aminin. Pero iyon ang nararamdaman at nakikita ko.
“Oo! Kaya mo iyon, ‘di ba?” sabi ni Tito.
“D-Dad,” sabi ni Kuya.
“Huwag kang mangialam dito, Renzo,” pagbabanta ni Tito.
Lumapit ako kina Atlas at Thea. Hinawakan ko ang mga braso nila ata marahan na hinaplos. Napatingin sa akin si Atlas at napanguso lang siya. Alam kong hindi na maganda ang pakiramdam niya. Sino bang anak ang gustong makakita na nag-aaway ang mga magulang?
“Thea, dalhin mo muna ang Kuya mo sa taas. Doon na kayo. Kami na rito,” sabi ko.
“P-Pero, Ate…”
“Sige na. Hind
