“SIR ARQUIL, NASA labas na po ang mga kaibigan ninyo,” sabi ng isa sa kasambahay ng pamilya Consunji.
“Papasukin mo. Pero dahan-dahan ka lang sa paglalakad papunta roon,” sabi ni Tito Arquil.
“Okay, Sir,” sagot ng kasambahay.
“Chief, sige na. Pusasan ninyo na ako,” sabi ni Tita Cheska.
“Mag-iingat po kayo, Mom,” sabi ni Thea.
“Mom, thank you for doing this to my mahal,” sabi ni Atlas.
Napangiti si Tita. “Pagkatapos ng lahat ng ito, magiging okay rin ang lahat. Basta alagaan mo si Amira. Iparamdam mo sa kanya ang pagmamahal na deserve niya.”
“I will, Mom,” sagot ni Atlas.
“Tita,” sabi ko. Hindi ko maitago ang pag-aalala sa gagawin niya.
Nakangiting lumapit sa akin si Tita. “Everything will be okay. Makukuha natin ang hustisya ng Mommy mo at sa lahat ng nadamay.”
“Sana nga po, Ti
