NAPAAGA kaysa sa planong pagbalik sa Maynila sina Kaia at Dashrielle. Pina-rebook na ng asawa niya ang ticket nila kahit may tatlong araw pa sana sila sa Taiwan. Siguro ay kagaya niya, nawala na rin ang honeymoon mood ni Dashrielle.
Pero naiintindihan naman iyon ni Kaia. Kasalanan niya iyon. Pero mahirap magtago ng feeling. Masama pa rin ang loob niya kay Dashrielle sa nalaman niya.
Mahirap para kay Kaia na intindihin ang asawa. Oo at lasing nga ito. Pero dapat ay marunong pa rin itong magkontrol sa sarili. At paano na lang kung ipagkalat pa ng babaeng iyon ang tungkol sa kondisyon niya? Mukhang tama naman kasi siyang hinala. Estranghero lang para sa asawa niya ang Hazel na iyon.
Dahil inampon na siya ni Manny Panganiban ay masasabi ni Kaia na may pangalan na sa society. Ganoon rin dahi
