KASAMA naman siguro sa plano ng lahat ng mga nagha-honeymoon ang gumala. At kasama rin iyon sa plano ni Dash sa kanila ng asawa. Sumama naman si Kaia sa kanya sa paggala. Nagpunta sila sa Jiufen Old Street---ang sikat na attraction sa Taiwan dahil ang lugar na iyon ang inspiration para sa sikat na pelikulang Spirited Away. Pero kahit malayo rin ang biniyahe nila para sa lugar ay halos hindi siya iniimikan ng asawa. Nang magyaya rin siyang magpicture silang dalawa ay hindi rin ito pumayag.
"Wala ako sa mood." Hindi man lang tumitingin sa kanya na sabi nito.
Ang ending: nagselfie na lang si Dash at pinicture-an ang lugar. Namili rin siya ng mga pasalubong roon. Ganoon rin naman si Kaia pero sa tuwing babayaran na niya ang pamimili nito ay sinusungitan siya nito.
"Hindi mo ako charity work
