KAIA is emotionally lost. At nakakalungkot dahil wala man lang siyang mapagsabihan ng kanyang problema. Bukod sa wala siyang malapit na kaibigan, hindi rin maganda na sabihin niya iyon sa Daddy niya. May sakit ito. Ayaw niyang mag-alala ito.
Pero dahil ayaw pa rin niyang makita si Dashrielle ay umalis na muna siya ng bahay bago makauwi galing sa trabaho ang asawa. Gusto pa rin muna niyang mag-isa. Nagpunta siya sa mall, nagsine at window shopping. Gusto niyang makapag-isip-isip. Pero kahit ang ginawang pag-a-unwind ay hindi nakatulong. Nang dumating ang alas nuwebe at nagsara na ang mall na pinuntahan niya ay ayaw pa rin niyang umuwi. Naka-ilang tawag na sa kanya ang asawa dahil sa pag-aalala pero pinaliwanag niya rito na hindi pa muna niya gustong makasama ito. Kaya naman kahit dis oras
