"HELLO..." nakangiwing wika ni Kaia sa apat na lalaking nakapalibot sa kanya sa kuwarto. Partikular na tinignan niya ang tatlo sa mga ito na hindi niya kilala pero nagmagandang loob na tulungan rin siya nang mahulog siya sa swimming pool. Kahit nang dalhin siya ngayon sa clinic para i-check ang paa niyang nanakit at nasugatan.
Mukhang mga kaibigan ni Dashrielle ang lalaki. Mukhang magkakilala ang mga ito dahil nag-uusap-usap. Pero dahil na rin sa nangyari sa kanya ay hindi pa sila nagkakakilala. Nang dalhin kasi siya sa mismong clinic ay si Dashrielle na lang ang umalalay sa kanya. Nakita niya lang ulit ang mga ito nang matapos siyang attend-an ng nurse. Binendahan ang paa niya at nilinis rin ang sugat.
"Hi," kumaway naman ang dalawa. Parehong may kaputian ang kutis ng mga ito---chinito
