“Okay lang po ba na hindi muna natin ipaalam kay Dami ang gagawin nating hakbang?” tanong ni Amara kay Upher.
“Hindi naman sa hindi malalaman ni Dami ang lahat ng ito. Kailangan natin ng plano habang nililinaw pa ni Dami lahat kay Rhinega.” Tugon ni Upher. Nilalaro niya sa bibig ang isang sanga ng halaman na nakita niya sa daan. “Si Midago ang magbabantay ng kilos at galaw ni Shin.” Patuloy niya.
Kasalukuyang nasa ibabaw sila ng rooftop habang nagtatanghalian. Si Amara ay nakatayo lang habang tinatanaw ang kalakhan ng paaralan. Nilulugay ng hangin ang kanyang buhok at maliit na unipormeng saya.
“Bakit hindi na lang natin ipaalam sa CWPO ang tungkol kay Falguni?”
Tumayo si Upher. Nilagay niya ang kanyang magkabilang kamay sa kanyang bulsa. Napatitig rin sa direksyon kung saan nakatingin
